ಪ್ರೀತಿಯ ಸ್ಪರ್ಶ
ಎದೆಯೊಳಗೆ ಇಳಿದ ಬೇರು
ನರನರದೊಳಗೆ ಬೆಳೆದು ಹರಿದು
ಮನದ ಮೂಲೆಯ ತಿರುವಿನಲಿ
ತಿರುಗಿ,ಭಾವಗಳ ಆವರಿಸಿದಾಗ
ಅರಿವಾದದ್ದು ಆ ಪ್ರೀತಿಯ ಸ್ಪರ್ಶ..!!
ಕತ್ತಲೆಯೊಳಗೆ ಬೆಳಕಿನ ಕಿರಣ
ಮನದೊಳಗೊಂದು ಪುಟ್ಟ ಕನಸು
ಜನಿಸಿ,ನಿದ್ರೆಯೊಳು ಕನವರಿಸಿ
ಬೆಚ್ಚಿ ತಟ್ಟನೆ ಎಬ್ಬಿಸಿದಾಗ
ತಿಳಿದಿದ್ದು ಆ ಪ್ರೀತಿಯ ಸ್ಪರ್ಶ..!!
ಅನಂತ ದಿಗಂತದಾಚೆಗಿನ ಸೌಂದರ್ಯ
ತಂಗಾಳಿಯ ಸುಮಧುರ ಸೌಗಂಧ
ಭಾವಗಳ ಬಾನಿನ ತಾಕಲಾಟ
ಅರಿವಾದಂತೆನಿಸಿ ಮನಸು
ಮಂದಸ್ಮಿತದ ಸೆರಗು ಹೊದ್ದಾಗ
ಕಾಣಿಸಿದ್ದು ಆ ಪ್ರೀತಿಯ ಸ್ಪರ್ಶ..!!
ಅಜ್ಞಾತಮಾನವ
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ